神戶屋日韓放題

Open Now

Now Closed

是日一早book定位同友人食日式放題撐爆肚😂上到黎一開門見到都幾多人下，好在book左位 等左約10分鐘左右就安排入座，個場係細型但座位算寬闊。一坐低職員就介紹首點刺身會砌靚仔上枱，不過我唔食刺身，就只係試左甜蛋同蟹捧，都好味蛋唔會太甜岩岩好，而魚生方面友人話不錯，尤其希靈魚挺好味，爽口。然後亦送一客壽喜燒或部隊鍋，連韓式都有？😂想食辣麵ge我當然係揀部隊鍋，個鍋唔係講笑，大量我喜愛的娃娃菜同一片邪惡芝士，湯底夠濃，兩三下就食哂😂由於呢度種類實在太多，每樣都點左小小，本來都預佢出唔齊架啦，點知量不單只齊，而且出菜亦快，搞到我地張枱爆哂，未食得切，職員就主動又有笑容讓廚房停單先，慢慢食完有咩想要再入單，搞到我地都唔好意思。眼見負責我地區ge侍應又主動幫隔離枱影相，密密收碟，忙極都無黑哂面實在少有，好想表揚嗰位女侍應🙈。講翻食物先，好多都想推薦啊，尤其炸物都好好味！例如 炸香竽丸、南瓜天婦羅、炸蝦天婦羅、芝麻雞翼、牛柏葉入味夠淋、牛小排都入味，仲有我至愛燒波蘿同牛油粟米👍👍👍壽司其實都不錯架，不過想留肚食多d野就無叫太多。總括黎講，性價比中上，值得再黎！