Video
Read full review
2021-02-04
266 views
前排聽朋友介紹海港城開咗間超正嘅宮廷式韓燒餐廳，佢話日日lunch都大排長龍，我今日決定要去見識見識，已經特登過咗lunch time黃金時段先嚟，不過依然係咁多人，認真架勢！ 等到頸都長，終於可以坐低啦🤗。雖然呢度唔似得平時去嗰啲韓燒餐廳每檯有個煙囪，但係呢度完全感覺唔到有油煙味，通風系統做得非常之好👍。 首先上菜機械人🤖為我哋上菜...香港都好少見上菜機械人，佢又真係好準確咁送到你面前噃，比個叻佢先👍！ 傳統韓式前菜可以無限添加，有泡菜、芽菜、酸蘿蔔、薯仔、香葱等... 雪花韓式牛肋骨🐮絕對係必點🤤🤤🤤，店員會幫我哋悉心炮製，油花分佈平均，食落口感軟嫩，完全有入口即溶嘅感覺，牛味濃郁，唔需要加任何調味料已經好好味，簡直好食到唔停得口😋😋😋。店員仲教我哋可以用舊骨嚟省乾淨個鐵板，又真係得個噃，果然好使好用👍。 牛舌肉質軟嫩，食落帶有爽口感。 和牛三筋肉係和牛中極稀有部位，聽店員講一隻牛得5-6%，所以絕對非常珍貴。雪花紋分佈細密，肉味突出，肉質嫩滑，感覺齒頰留香。 傳統醬油五花肉🐷，肥瘦相間，肉味甘香。燒到表面微焦會更加美味。 雞爽肉🐔，咬落爽口又唔韌。比平時食嘅雞肉口感更加特別。
前排聽朋友介紹海港城開咗間超正嘅宮廷式韓燒餐廳，佢話日日lunch都大排長龍，我今日決定要去見識見識，已經特登過咗lunch time黃金時段先嚟，不過依然係咁多人，認真架勢！
等到頸都長，終於可以坐低啦🤗。雖然呢度唔似得平時去嗰啲韓燒餐廳每檯有個煙囪，但係呢度完全感覺唔到有油煙味，通風系統做得非常之好👍。
首先上菜機械人🤖為我哋上菜...香港都好少見上菜機械人，佢又真係好準確咁送到你面前噃，比個叻佢先👍！
傳統韓式前菜可以無限添加，有泡菜、芽菜、酸蘿蔔、薯仔、香葱等...
雪花韓式牛肋骨🐮絕對係必點🤤🤤🤤，店員會幫我哋悉心炮製，油花分佈平均，食落口感軟嫩，完全有入口即溶嘅感覺，牛味濃郁，唔需要加任何調味料已經好好味，簡直好食到唔停得口😋😋😋。店員仲教我哋可以用舊骨嚟省乾淨個鐵板，又真係得個噃，果然好使好用👍。
牛舌肉質軟嫩，食落帶有爽口感。
和牛三筋肉係和牛中極稀有部位，聽店員講一隻牛得5-6%，所以絕對非常珍貴。雪花紋分佈細密，肉味突出，肉質嫩滑，感覺齒頰留香。
傳統醬油五花肉🐷，肥瘦相間，肉味甘香。燒到表面微焦會更加美味。
雞爽肉🐔，咬落爽口又唔韌。比平時食嘅雞肉口感更加特別。
韓國辣八爪魚🐙新鮮彈牙，辣味醒胃。店員仲會幫我哋燒埋，確保我哋唔會燒得過乾。
石頭泡菜魚籽飯口感豐富，有好多魚籽，飯焦香脆可口。
聽聞魚籽湯係韓國人一種補身嘅食材，未試過呢個湯，一於試下，煮熱咗嘅魚卵帶有微辣，但亦唔會腥，而且咬開魚卵亦口感好粉，感覺特別，仲有好多魚籽必晒出嚟。成個湯感覺香辣醒胃。
雖然呢餐飯係貴啲，不過論其食物質素，絕對係物有所值。
Post
