來多碗車仔麵 (路德圍) (Closed)

車仔麵簡直係港人十大經典食品之一，集合香港人快靚正精神，最緊要有得揀，魚蛋蘿蔔豬紅，悉隨尊便。雖然話車仔麵好簡單，但其實每樣料都不可求其，由滷水至醬汁，來多碗都做到好精，力求上乘嘅車仔麵，非一般平平無奇嘅車仔麵。我認我係奄尖又多心，食碗麵都睇細節，本娘我得一個胃，唔可以食得落口咁簡單。平時D車仔麵店好dirty，行過門口都唔想入，但今朝行過來多碗見新開無耐，乾淨企理，有啲裝修，決定晏晝午餐嚟玩車仔麵。你講得出嘅車仔麵食品都有，老闆娘推薦一定要食滷魷魚，同埋要加魔鬼辣醬，講到咁推介即管一試。魷魚好爽口，雞翼撈得入味，蘿蔔清甜，加埋個魔鬼醬汁，真係冇得彈，佢呢個醬汁係知仔，香辣甜混合一齊，提升車仔麵精華，超級正！果然冇改錯名，來一碗，下次再嚟encore！