第一郡

Open Now

Now Closed

由深水埗蚊型舖位，就算叫定外賣，去到都要等，長期滿座。終於等到佢搬上油麻地大埔。舖位喺二樓,Casa hotel 樓上，空間感夠，唔會坐到同後面pat pat 貼pat pat 。升級咗做自助落單 掃QR code 。落單後一分鐘極速上菜！你冇睇錯，我冇講錯，真係一分鐘，之後我嗰 《綠豆班蘭糕 $15》就到咗!同舊鋪味度冇分別。上下層煙韌班蘭糕 ，高中間夾 誘惑綠豆蓉。正餐未到已經忍唔住食咗先講。 細心位仲要已經畀定兩隻义，等你如果要share唔使下下問佢拎，真是有夠貼心。（ 然而我當晚只係一條友去食）接住再上埋《紫米糕 $7》。雖然隔離枱話椰汁糕有雪櫃味，但我呢嚿完全冇。最後上埋主腳 《一大舊蟹膏原隻蕃茄湯檬 $65》舊蟹膏唔同隔離枱所講：喺第二度食係碎上，呢度成嚿畀你，唔使大海撈針咁喺啲湯底撈番啲碎碎上嚟。仲要索曬個特濃蕃茄湯底，嘩，真係要大叫一聲：噢 賣 葛 ））） 反而舊豬紅冇以前咁入味，可能太好賣未浸得切呱。。。大舖仲upgrade咗，有《班蘭水$0》任飲。不過呢，飲落去就似西米露味嘅水，就唔太啱我啦～埋單嗰時，見到佢tempo櫻花味紙巾竟然賣一蚊一包！ 吸引到我忍唔住要買返