拍板餐廳酒廊 (Changed Hand) New Restaurant

話說，上星期日放假無地方去所以stay係屋企，阿媽見買左新既播碟機就拎佐陳浩德演唱會隻碟睇，俾我無意中聽到拍板呢個名，然後係Groupon度又見到呢間野做緊團購，就決定試一試，一切真係咁啱得咁橋！呢度成間舖燈光雖然暗，但個環境算幾大，張sofa櫈坐得我舒服，而且仲有得1展歌喉tim bor！頭盤係沙律同酥皮濃湯，沙律邊邊d橙色生果我以為係柚子，後來知道原來甜柑黎小小甜不過就好多汁，沙律清清淡淡幾fresh的。個湯就好似用好多隻龍蝦滾出黎既濃縮龍蝦湯，味道太濃郁了!!成個湯我要用酥皮點中和下個感覺同味道先得，不過唔差的。話時話，我飲晒成個湯其實已經好飽了豬柳卷好嫩，食落肉質好鬆軟，有小小似煙肉味。腸ok啦，肉質有d爽口，有d似buffet食個d腸朋友覺得好好味。