Tongpakfu (Closed)

科學園入面有間叫糖百府既餐廳, 我印象中係食甜品, 但呢間是一間茶餐廳! 佢地有一系列既XX蛋飯系列: 叉燒, 五香肉丁, 咸牛肉, 蝦仁, 厚切午餐肉。睇黎是餐廳主打之一, 要試梗係試下大路野先有得同其他餐廳比較, 唔食由自可, 一食不得了, 叉燒不是一般雪藏野, 似燒味店果種口感同味道, 個蛋先勁, 炒到係滑蛋同炒蛋之間, 口感同味道都一流, 呢碟看似頹飯的物體一D都唔頹, 食落十分精神爽利! 本人已決定試埋其他口味再向各位報告!