芝加哥串燒酒場 (太和中心)

秋風起🍂，想BBQ又唔想自己燒，去串燒店就得啦🤣 好耐無嚟大埔喇！最近入去探朋友，佢介紹我食呢間串燒店，又幾好食啵！門口有Halloween 裝飾，夜晚見到都俾佢嚇一跳呀！呢到係串燒酒場，顧名思義就係一邊食串燒，一邊飲酒啦。我都叫返杯Mojito cocktail 嚟飲，咁先食得有氣氛☠️除咗cocktail，仲有好多其他酒款，呢枝喺日本山梨縣產嘅桃汁酒，好濃郁嘅桃味！串燒價錢都唔算太貴，$12起有交易。豬牛雞羊、蔬菜類、海鮮都有，款色多種類多。落完單一次過上菜，賣相震撼，任君選擇😋🍳玉子燒：蛋汁豐厚，暖暖的、甜甜的。🧀燒芝士年糕：咬開熱辣辣嘅年糕在嘴裡遊走，甚為滿足。🍗燒宮崎去骨雞腿：雞皮燒至金黃色，雞肉嫩滑juicy，帶點炭火味。🐟鹽燒鯖魚：魚皮甘香肉質厚實，加點檸檬汁點綴，沒有一點腥味。🍢五款串燒：一口和牛串、孜然豬肉棒串、新鮮脆肉瓜、鹽燒雞皮、芝士松葉蟹棒，整體不錯，可選擇辣度，食的更惹味。🦑烤魷魚：香脆乾身，好有咬感，送酒一流。🌽燒粟米：充滿炭燒香味，粟米粒仍然保持水份，非常可口。