十二鍋 (Closed)

最近秋意漸濃🍂，秋風起有點寒意，所以就打算去食火鍋暖下胃，主打一人一鍋既十二鍋好岩我心意😍。呢度既一人一鍋比起任食火鍋既優勢係，一人價錢一人份量唔驚浪費食物，而每個鍋都有飯/粗粉絲送，餐亦跟飲品，唔洗驚唔夠飽🤪。*濃郁芫茜鍋 $88*呢個係期間限定黎，真係成個鍋都係綠色，有大量芫荽同芫荽醬，湯底好濃好足芫茜味😋，鐘意芫茜既朋友唔可以錯過。隨鍋跟超滑雞柳同芫荽豬肉丸，仲有豆腐， 粟米🌽等配菜，十分抵食。*胡椒豚骨濃湯鍋 $88*胡椒味十足，每啖入口都有胡椒味🤩，配料都好足但豚肉片略嫌太多肥肉。*雜菜🥗拼盤 $42*中意食菜既朋友就岩晒，加多份蔬菜配料，有菇，粟米，同南瓜等配料，每樣都好新鮮*台灣韭菜盒子$28*係台灣夜市會食到既小食呀😆，餃子🥟外皮厚左少少，如果薄少少香脆D就perfect啦。*蒜香鹽酥雞$42*又係台灣嘅味道😍，雞塊炸得脆口，唔油身，雞上面鋪滿炸左既芫荽，食落好香口。