Video
Read full review
2018-08-25
57 views
比起西餐，我更喜歡日本料理。但喺香港要搵一間高質素既日本餐廳並唔容易，就算係某啲頗有名氣既壽司專門店，佢地既壽司都只係中上既質素。雖然刺身同軍艦都幾有魚香，但鮮味欠奉～ 由於近日朋友放假，我地都想提前慶祝 ，經朋友推介，我地就去左尖沙咀品嚐美食～秋田既招牌好搶眼，店鋪設計裝潢都好有地道日本feel。我地見到都幾多人去食，質素應該好唔錯，所以就興奮地入去食晚餐～我地入到去見到一張張木枱，非常有格調。餐廳所用既餐具都好精緻，整套杯碟都充滿日本風格，而且非常整潔 👍🏼日本茶亦都飄出陣陣香氣，飲落好有甘醇，好有養生既感覺。餐廳設計既餐牌精美簡潔，餐牌囊括多款精選美食～ 有小食、沙律、刺身同埋丼飯等等，每一道菜都非常吸引。至於飲品方面，佢地有果汁、汽水同酒精類飲品任君選擇🍸🍹 我同朋友最後點左「京都·二人前」😍開始食之前，我地用facebook like 左秋田浜燒既page 再share，然後就可以玩一個小遊戲。遊戲就係一手攞到幾多隻蝦，個啲蝦就係免費送俾你食，手大有好處 😂朋友隻手唔係好大，但都拎到四隻巨大既蝦。我地選擇將佢地製成刺身，真係好鮮甜，普通既蝦會好腥，但佢呢啲蝦冇呢個情況，值得一
秋田既招牌好搶眼，店鋪設計裝潢都好有地道日本feel。我地見到都幾多人去食，質素應該好唔錯，所以就興奮地入去食晚餐～
我地入到去見到一張張木枱，非常有格調。餐廳所用既餐具都好精緻，整套杯碟都充滿日本風格，而且非常整潔 👍🏼日本茶亦都飄出陣陣香氣，飲落好有甘醇，好有養生既感覺。
餐廳設計既餐牌精美簡潔，餐牌囊括多款精選美食～ 有小食、沙律、刺身同埋丼飯等等，每一道菜都非常吸引。至於飲品方面，佢地有果汁、汽水同酒精類飲品任君選擇🍸🍹 我同朋友最後點左「京都·二人前」😍
開始食之前，我地用facebook like 左秋田浜燒既page 再share，然後就可以玩一個小遊戲。遊戲就係一手攞到幾多隻蝦，個啲蝦就係免費送俾你食，手大有好處 😂
朋友隻手唔係好大，但都拎到四隻巨大既蝦。我地選擇將佢地製成刺身，真係好鮮甜，普通既蝦會好腥，但佢呢啲蝦冇呢個情況，值得一試。店員仲好熱情地送多左兩隻俾我地，等我地試下浜燒既滋味，浜燒雖然冇刺身咁鮮，但勝在惹味香口 😋🦐
前菜有雞泡魚乾同埋特上刺身拼盤五點。雞泡魚乾好適合做佐酒小食，因為佢好惹味，而且口感十足 🐡🍻
首先打頭陣既就係呢道色彩鮮豔既刺身盛盒，精心挑選左五種高質既海鮮刺身組合而成。佢既賣相非常美觀，未食已經令人垂涎三尺。除左醬油之外，仲有其他醬汁提供，更能提升刺身既鮮味。
五種刺身包括甜蝦、三文魚、帶子、油甘魚同左口魚。五種都係我平時最中意食既刺身。左口魚刺身每一片刺身都係透光架，刺身味道好清香，淡淡既魚油香刺激每一個味覺，鮮味十足！
帶子一向都係我既最愛～ 呢片珍寶帶子就緊係冇得彈，食得出佢有一定既質素，鮮嫩細滑，加上少少青檸汁，香氣四溢 😋
厚切三文魚腩刺身簡直係味覺享受 😋 三文魚腩十分肥美，每一啖都充滿魚既油香，油脂分佈平均，再加上少少青芥末同埋醬油，食到我地好滿足 🤤
澳洲頂級牛胸肋骨肉 🍖喺等待浜燒前，我地先品嚐牛肋骨。佢比我想像中大好多，好似一隻手咁大！
牛肉表面燒到深啡色，一上枱已經聞到好香既味道～牛肉表面看似熟透，但裡面啲牛肉好鮮嫩多汁，十分juicy～ 中間仲會見到係紅肉。佢既牛骨附近仲有啲牛筋，好有唧頭😆
浜燒即將展開！有青森殘酷網鮑、北寄貝、蟹味噌甲羅燒、黑松露茸野菌箔燒等等。
佢既鮑魚好新鮮，睇住佢係水中浮游，然後並撈出。用浜燒既方式可以令食物更原汁原味，店員只係用左少量牛油同調味料，所以我地係食到鮑魚本身既鮮味 😋
用浜燒呢種方法烹調出黎既北寄貝味道非常新鮮，而且北寄貝既肉厚實，裙邊爽口彈牙，呢種鮮味真係好難喺普遍餐廳食到。
第一次試蟹味噌甲羅燒，佢係蟹肉、蟹膏加鵪鶉蛋嘅組合，燒既時候會將各種材料混合一齊，蟹既鮮味特出。我覺得佢既食法好特別，將蟹殼入面既蟹醬放喺旁邊白色既脆米果上，咁就唔怕單調同埋太膩 🦀
我地點可以淨係食海鮮，要食返啲蔬菜類食物平衡下，呢個就係黑松露茸野菌箔燒。野菌配上香濃既黑松露醬，味道簡直係一流。個人覺得菇既香氣真係好獨特，無法同其他食物相比，各色千秋。
食完浜燒之後，我地就食左一道明太子茶漬飯。雖然唔係第一次食茶漬飯，但佢比我既感覺依然係新奇。我地慢慢將茶倒入米飯中，熱茶唔單止將明太子煮熟，更加令米飯變得軟身。茶漬飯有焦飯既香氣，咬落煙韌，明太子帶點微辣，可以為清新既茶漬飯調味。
最後就係飯後甜品，豆腐雪糕🍦第一次食豆腐雪糕，原來真係幾唔錯。雪糕非常清新，充滿濃濃既豆香，好似豆漿既味道。呢餐日本料理係少有令我食完後，會會心微笑既一餐 ☺ 餐廳用料上盛，食材新鮮不在話下，連料理師傅都製作認真，重視料理既質素同食客既滿意度。我真係覺得呢一餐好難忘～希望會再有下一次～
Post
