秋田浜燒食堂

Open Now

Now Closed

秋田浜燒食堂，好似去咗日本🇯🇵一樣，食材新鮮美味，一試難忘。秋田浜燒食堂喺尖沙咀諾士佛臺附近，我同朋友點左二人前套餐 ，非常豐富。最有驚喜開心嘅環節就係，餐廳有活動又可以玩又可以食，侍應俾左一盤蝦我地，睇吓我哋一手可以拎到幾多隻蝦，我哋一共拎到八隻蝦，仲係免費添呀😆餐前小食：煙燻雞肉卷、燒牛肉、汁煮吞拿魚，作為前菜，開胃美味，最鍾意燒牛肉，好香柚子味！季節沙律🥗：水晶海藻沙律超甜車厘茄，口感爽口👍🏼 開胃前菜！澳州頂級牛胸肋骨肉：牛肉味濃，口感豐富，肉質嫩滑，配蒜片食，好味🤤人氣蟹味噌甲羅燒配麵包，如果你係「蟹癡」，就唔可以錯過蟹味噌甲羅燒，甲羅，即係蟹蓋；蟹味噌，即係蟹膏。蟹蓋裡滿滿嘅蟹膏，在烤爐上一邊加熱，香氣不斷湧出，鮮味濃郁，配麵包食，超級好味呀！日本直送活生蠔🦪：帶有少少嘅鹹水味，鮮甜肥美。三點浜燒料理：鮮活南非鮑魚、北海道帆立貝、北寄貝，食材好新鮮，鮑魚爽口彈牙，帆立貝北寄貝鮮甜。火炙香蔥三色迷你海鮮丼：份量啱啱好，火炙燒過嘅魚生油脂豐富，好香，加埋香蔥，撈飯食一流。蟹肉明太子蛋黃醬冷烏冬：清新之選，解一解油膩。赤蝦刺身：呢一個係送㗎，正！😍最後有甜品，杏仁豆腐，好香杏仁味