。
為食達人眼利spot到牆上貼住"
秋冬限定 支竹羊腩煲" 留意返!!! 餐牌冇㗎 !!! 天寒地凍❄重洗諗?係佢啦
暖粒粒嘅支竹羊腩煲, 個煲勁足料, 絕對唔係一煲得幾舊果type!!! 羊腩軟硬適中, 調味啱啱好, 夠味又唔會太咸,fit曬我口味呀
重有我最愛嘅支竹, 唔會太厚身, 炸得又夠均勻, 配埋生菜,白飯, 滿足度爆燈
鐵板餐都有好多選擇
紐西蘭牛柳
份量十足!!!
不得不大讚!!! 咁厚嘅牛柳竟然一D都唔韌, 又淋又嫩口加上呢個厚度, 真係口感十足
好後悔叫左7成熟, 5-6成一定更juicy。
跟餐+$20可轉龍蝦酥皮湯
💥飲品夠特色💥
華田紅豆沙冰 (左)
第一次試華田配紅豆冰, 又幾夾喎, 紅豆超多!!! 不過就甜左少少。
香蕉華田奶昔 (右)
呢個配搭好驚喜, 濃郁香蕉味配細滑華田冰,面頭重有厚厚一層華田粉, 大人細路都會愛上!!!
