秋冬其中一樣必食嘅就係大閘蟹！一年剩係得呢段時間有得食，所以記得要把握時機🥰
小編今次就嚟咗有好多分店嘅莆田食晚飯。今次試嘅係佢哋嘅大閘蟹套餐，總共有五款菜式，分別係——
- 蝦苗頭水紫菜
- 清蒸大閘蟹
- 莆田荔枝肉
- 莆田扁肉湯
- 招牌主食（任選一道）：福建紅菇海鮮麵/ 興化炒米粉 /媽祖平安麵
- 芋圓花生湯
呢個套餐又前菜、主食、甜品都有齊，真係超級豐富！🤤
蝦苗頭水紫菜酸酸甜甜，紫菜又有豐富嘅營養價值，作為前菜真係超級開胃
而主角大閘蟹就梗係鮮甜多個啦！而且一啲都唔細隻，食完都好有滿足感😍
莆田荔枝肉同扁肉湯都係餐廳嘅招牌菜之一
荔枝肉嘅肉質軟冧，酸酸甜甜好惹味；而扁肉湯好似細雲吞，都非常唔錯
小編就揀咗福建紅菇海鮮麵作為主食，味道都幾好，有機會想試埋另外兩款！
完美嘅一餐當然要以甜品做完結啦～
