今次我哋叫咗兩款炒飯：
香葉牛肉炒飯配煎蛋 - 炒飯炒得粒粒分明，牛肉又香又嫩，泰式香葉味道好突出，食落有啲微辣又好惹味，煎蛋半熟流心，混埋炒飯一齊食真係冇得輸，超滿足！
冬陰功雞肉炒飯都好正，炒飯帶有冬陰功湯嘅酸辣味，雞肉份量足，炒得唔乾身，食落好開胃，成個口腔都係泰國香料味道，完全有度假feel。
套餐仲包冬陰功例湯，湯底超足料，蝦味濃郁又夠辣，飲完成個人都醒晒！
1
飲品我哋叫咗阿華田同椰汁冰，阿華田香濃唔會太甜，椰汁冰又夠清新，配泰餐一流！
甜品一定要試佢哋嘅椰汁西米露同椰汁斑斕千層糕，西米露椰香重，口感滑溜，飲完好解膩；斑斕千層糕層次分明，啖啖椰香加微微斑斕葉清香，打卡都好靚！
整體嚟講，泰屋嘅食物真係有水準，價錢合理，環境又舒服，啱晒一班朋友去chill住食飯，之後再去附近逛街shopping都好方便！下次一定會再試其他泰菜～
#旺角美食 #油尖旺搵食 #泰屋 #SawadeeThai
