皇軒私房菜 (Under Renovation)

呢間《皇軒私房菜》應該唔系開左太耐，今次都系經朋友介紹先識黎，餐廳系柯士甸路一幢商業大廈，地方唔大，可以serve到既客人唔多，但甘樣可以更好地控制食品質素。價錢對比一般同類型私房菜差唔多，但食物質素就幾好，所以都算有性價比。時令燉湯 (98) - 主要湯料有蟲草花、紅棗、雞、豬肉等等，用料充足，味道鮮甜。炸bb鴿 (88) - 紅燒乳鴿皮脆肉嫩，又多肉汁，食落好香口，但滷水汁應該要再濃少少。神草蒸比目魚 (168/例) - 用豆豉蒸比目魚比較少見，但又幾夾，比目魚肉質非常幼嫩，有種入口即溶既感覺，而且魚脂香味幾重。杞子海蔘浸時蔬 (78) - 海蔘夠爽身，而時蔬應該系將大白菜既菜秆切條浸上湯，香甜得黎又夠爽口，幾有意思。菊花豆腐花 (48) - 將平滑既豆腐花細刀切成花狀，就好似一朵菊花甘，令人賞心悅目，食落都開心啲。至於糖水底系以冰糖煮成，微甜唔太膩。