禾稈草主題餐廳 (Closed)

男朋友係旺角返工，所以都不時會搵下旺角一帶既餐廳試試，今次openrice見禾稈草主題咁得意，又出街食厭左西餐，就決定試試呢間喇。花雕醉雞半隻($108)個人都幾鐘意用花雕醉雞黎做中菜既starter，呢度既醉雞酒味濃郁，而且雞肉香滑，份量亦唔少，令人一舊接一舊。花甲蒸水蛋($70)一上檯同男朋友對望左一下，賣相又幾有心思喎！花甲一隻隻排好，十分有誠意。而且口感滑溜，送飯一流呀！金銀蛋上湯時菜($58)鮮甜蔬菜配上富香味既三色蛋同肉碎，健康又好味，唔錯！呢餐飯經濟實惠，食得多西餐要食下呢d健康小菜平衡返，下次會再黎試試黃鱔飯同生腸。