鴨仔冰室 (Closed)

觀塘工廈一向多美食，今次食嘅呢間係地鋪嘅。個名叫ugly duckling,但係門口隻duck又幾吸睛喎。佢聲稱丹麥美食，我無做啲咩資料搜集，就叫佢啲推介啦。餐可配湯或沙律，叫咗兩個餐就各叫一個。個湯不得了，蕃茄薯仔湯，勁有蕃茄感，好似成個蕃茄放咗落去咁，但重點係唔酸喎，真係勁好飲。因為呢個湯太好飲，見餐紙有另一款湯：忌廉蘑菇湯，叫埋。呢個更上一層樓，濃味之餘又唔over,感覺真係相當正。沙律都比想像中多，蔬菜頗新鮮爽口。正餐之一：丹麥肉丸蘑菇汁飯，上菜望落有啲頹，但飯連汁真係超正。飯煮得好食唔黏有飯香，蘑菇汁勁足料！真係睇唔出。丹麥肉丸賣相似宜家果啲，但食落明顯有料，有肉香，肉味濃，正！正餐之二：大蝦牛柳。先食薯蓉，正，唔似一舊粉咁，而且個汁較得好。大蝦開好邊，所以舊肉好易拎到出黎。佢有埋啲蒜蓉係上面，令原本已經好有鮮味嘅蝦更正！牛柳預先整到微燶，有脆皮口感，一切開勁生，可用鐵板整到自己想食嘅熟度，對我黎講四成左右已經好正。唔算韌，幾有肉味，連埋配菜食食下了幾開胃。完咗仲有兩杯嘢飲，不過無影嚕。其實呢間真係幾高質，但係係工廈入面，即使係地鋪都未必起眼。佢環境唔算好靚，但都自成一角。菜