赤丸製麵所 (Closed)

前排成日去觀塘APM睇戲，多數係返APM赤丸或者元氣食飯，APM間赤丸俾我的印象好好，野食快上，侍應態度好，估唔到將軍澳分店相差唔多。唔睇唔知，都有幾個食評彈過將軍澳分店。我6點鐘去食，間店無咩人，我行去張四人位打算坐低，個經理面有難色好似想叫我坐單人位，不過我坐低左佢都無講野。到落單，舉左陣手先有人理我.......今次食雞扒辣蕃茄湯拉麵，飲品先到，冰多過茶都預左，拉麵就普通，沒什麼特別，雞扒同大家樂早餐那種分別不大，可取的係個湯底，蕃茄的酸同辣味竟然夾到，我唔係太鐘意食蕃茄都飲哂個湯。配菜係雞翼，我真係無諗過咁細隻雞翼都要切一半...........................真係比手指尾長小小。如無必要都唔會去將軍澳赤丸，同APM職員的態度真係差好遠，加上那個好不"日語"的招呼，其實教員工講句日文其實不是太難吧。