福岡漢堡扒 (厚福街) (Closed)

厚福街出名多嘢食，呢間不嬲係人氣小店！星期日六點幾來到，所以好彩唔使排隊！二人套餐✨菠蘿煙肉和牛漢堡扒（中)和牛油脂分布平均，所以用熱石煎嘅時候唔使落油！一定要勤力啲反轉！和牛呢個價錢就食到，真係好抵食！牛肉味都幾濃郁，而且冇切得太碎！仲有啲牛肉嘅咬口🤪菠蘿可以燒下佢一齊食✨芝士蛋蒜和牛漢堡扒（中)同菠蘿煙肉和牛漢堡扒唔同嘅地方就係側邊會有多咗炸蒜片！✨芝士泡豚丼飯份量超級大，兩個人都食唔晒！而且好似餸多過飯！食完唔算好有油膩感！✨罐裝飲品可樂檸檬茶呢間餐廳有強勁嘅抽風口可以對準燒嘢食嘅熱石，即使食完成餐飯，衣服都唔會好大浸燒嘢食味，值得一讚！