神輿日本料理 (Closed)

已經成大半年冇食過放題,今日突然之間挑起神經想食,即刻約埋朋友馬上行動。之前上網見到呢間餐廳嘅裝修幾有心思,有日本神社風味,所以就一於試吓。每次食放題我嘅第一Round一定係叫刺身,依度嘅刺身款式都算幾多,每款刺身都好新鮮都厚切,而且跟足落單order冇自動CUT單嘅問題。我最推介嘅就係蠑螺同帶子,好鮮甜。三文魚都吾錯肥廋均勻又充滿魚油甘香。壽司同卷物花款都好多,最重要嘅係有我最愛嘅花之戀。炸物方面當然唔少得芝麻脆皮雞翼,芝士年糕,吉列炸蠔等等嘅食物,不過對於我來講最重要嘅係榴槤炸彈,我Encore左勁多次,新鮮熱辣辣炸起嘅榴槤炸彈外皮香脆煙靭,一咬開內裏嘅榴槤餡就蜂擁而出,食幾多都唔會厭。爐端燒我最推介就係一口牛,牛肉燒得啱啱好食落軟淋有肉汁,搭配埋車厘茄,滿口Juicy 嘅囗覺,正。燒秋刀魚原來係成條上,都幾大條,一D都唔會腥。甜品係自助形式,甜品吧供應嘅甜品款式都幾多,有多款嘅蛋糕,泡芙,布甸等等可以選擇。