神石燒牛扒水產專門店 (淘大商場1期) (Closed)

經過九龍灣淘大商場，看見有間日式燒肉店名為神石燒牛扒水產專門店，立即與朋友一同入去試吓。神石燒係少有採用日式自助售賣機先付款後進餐的餐廳，經店員推薦，最後選了日本A5佐賀和牛二人前。神石燒最重要當然係個石板，就坐後不用多久店員便立刻把熱石板送上，另外唔少得當然係燒肉海鮮拼盤。不能不提的是套餐的主角A5佐賀和牛，粉嫩的肉色和雪花狀的脂肪，一睇都知道唔簡單。放到熱石上面不消一會，油脂香氣已經撲鼻而來，入口即化嘅和牛，絕對符合到我對它的期望。石燒嘅好處係可以按個人喜好燒到合適嘅熟度，配上海鹽與黑胡椒調味。除咗和牛，還有美國極黑豚、美洲羊扒、黑安格斯牛隔肌、北海道珍寶帶子和清酒煮蜆。其中珍寶帶子分量十足，非常鮮甜。而清酒煮蜆亦都有驚喜，喜歡海鮮嘅人一定非常鍾意。此外，還有自助沙律吧、日式麵豉湯、白飯可供食客享用。