神戶屋日韓放題

Open Now

Now Closed

舊同學聚會，決定去食放題，神戶屋日韓放題提早預訂可以不限時，咁就係唔洗食到咁趕，餐廳除咗有刺身、燒物、熟食、啤酒汽水任飲任食外，升級仲有生蠔海膽任食，現時還多咗雞煲火鍋任食，食物種類繁多，預訂又不限時，好適合聚會，有充足時間食嘢同傾計。神戶屋嘅刺身拼盤真係值得一讚，擺盤靚，刺身新鮮，升級嘅生蠔係即叫即開，非常新鮮，海膽軍艦色澤鮮明，入口即化又鮮甜。其他嘅燒物、炸物都係新鮮即做，熱辣辣好香口。壽司都係即叫即做，水準質素都好高。新增嘅雞煲一定要試吓，其實雞煲已經煮好，上枱煮返熱就食得，雞煲係用雞翼同濃稠的醬汁煑成,雞翼非常嫩滑入味，之後加湯食火鍋，火鍋配料都有好多選擇，整齊地擺放在雪櫃內，基本嘅火鍋配料都齊全，質素都唔錯。食都咁上下梗係要食甜品，韓國雪糕雪條係必食，仲有自家製嘅甜點都唔錯。