熨烤達人 (Closed)

韓燒隔吾中都會食下，多數都係燒下肉食下石頭鍋飯咁，食得多都覺悶，所以今次帶個個哈韓族FD黎呢間餐廳食，一解思鄉愁。天氣熱辣辣，當然要叫番杯野解解渴。呢杯哈密瓜梳打係免費既，只要like佢個facebook就有。叫燒肉送既生菜，好翠綠，而且洗得好乾淨 ，無限任refill。沙律份量大，4個人分都綽綽有餘。前菜3小碟，一d都吾馬虎，特別係碟泡菜，小辣，好岩我地胃口。後面係熨斗，燒肉時用黎壓住佢。個底好紋好搞笑。啤酒雞吾鞋又吾太肥，侍應仲會幫手燒兩野，同會過兩招，教我地燒。中間燒肉，爐邊燒蛋，仲可以加粟米、芝士、泡菜落d蛋度，正。水冷麵附送一支雪條，係奇異果、士多啤梨同藍莓造既，呃到下like。個麵好夠凍，吾會一痴埋舊舊，每條都好爽滑，炎炎夏日食一流。