Oyster Moment (Closed)

黎到葵涌唔熟路，當然又係時候等朋友帶路😜今次黎到食西餐，見個店名就知出名食生蠔，不過近排腸胃有D唔舒服，唯有忍忍口唔叫生冷野先，今次叫左 牛肝菌黑松露忌廉汁燴意大利飯($198)、碳燒西班牙黑毛豬配炒粟子椰菜仔,青胡椒汁($248)、薯仔蓉配白松露油($38)、咖啡朱古力蛋糕($58)、焦糖燉蛋

餐廳空間感十足，裝修色調都令人舒服😄

餐包

餐包：先免費送上餐包，牛油好香兼軟滑，簡單塗上餐包已經好好食😄

牛肝菌黑松露忌廉汁燴意大利飯

$198

牛肝菌黑松露忌廉汁燴意大利飯

$198

牛肝菌黑松露忌廉汁燴意大利飯

$198

牛肝菌黑松露忌廉汁燴意大利飯：份量十足，意大利飯嘅飯粒軟硬度煮得啱啱好，煮嘅時候亦都好吸收晒黑松露忌廉汁嘅味道，所以食落味道香濃之餘口感都好好😍而牛肝菌有油炸過所以更加香口，炸得熱辣辣嘅同時間菇亦唔會炸到乾身，幾有咬口同香濃，幾高水準👍🏻

碳燒西班牙黑毛豬配炒粟子椰菜仔,青胡椒汁

$248

碳燒西班牙黑毛豬配炒粟子椰菜仔,青胡椒汁

$248

碳燒西班牙黑毛豬配炒粟子椰菜仔,青胡椒汁

$248

碳燒西班牙黑毛豬配炒粟子椰菜仔,青胡椒汁：呢碟MAIN一上碟時已經聞到好香碳烤味，而且睇落去D烤紋亦都好靚仔😍廚師會將黑毛豬切件，然後再好有心思搬盤，望落去賣相更立體，而且切件後方便食用😄西班牙黑毛豬肉質嫩滑唔鞋口，食落去豬味好濃郁同埋帶點碳烤嘅燒香味，再輕輕點埋青胡椒汁作調味，惹味無比🥰

薯仔蓉配白松露油

$38

薯仔蓉配白松露油

$38

薯仔蓉配白松露油：點MAIN後可以加配SIDE DISH，由於加入左白松露油，所以D薯蓉食落更加軟滑，味道帶點松露香，比起普通薯蓉更加滋味😋

咖啡朱古力蛋糕

$58

咖啡朱古力蛋糕

$58

咖啡朱古力蛋糕：由於榛子朱古力味賣晒，所以改左做咖啡朱古力口味，蛋糕口感軟滑，味道好有層次，甜度剛好😋

焦糖燉蛋

焦糖燉蛋

焦糖燉蛋：上面層焦糖好焦香脆口，而內裡嘅燉蛋好嫩滑，唔會太過硬身老晒咁，唔錯😋

呢到嘅MAIN水準都幾出色，如果有埋SET DINNER MENU嘅話就更加抵食😉等遲D身體好返D，一定要再過黎食下呢到嘅生蠔先至得🥰

1

1

補MENU