Video
Read full review
2007-10-07
到Rice Paper 吃過三次飯，一次有訂位，所以被安排到靠窗位。兩次walk-in，都係等十多分鐘而已（因為晚上七點前，夠早。）消費約每位$150 ~ $200，服務唔得，什麼都要等，侍應只是求其應你一句，沒有follow up，走去做其他野，又或者扮睇唔到客呼叫，掂行掂過。每次加單都等半個鐘以上至有得食（甜品除外，好快到！）所以落單最好一次過落晒（包括要杯水），因為加order 攪好耐。食物味道整體都OK，環境漂亮，但服務就糟透。絕對係硬件掂，軟件糟！試過「Tropical 芒果特飲」（$42）Happy Hour 有買一送一優惠。味道幾淡，正價一定唔會點。烤鴨配米紙卷：係DIY ，自己包裹烤鴨肉和一些南洋蔬果，其中一款係紅蓮霧，幾特別。青木瓜楊桃沙拉：好味，次次都會點。香茅豬肉撈檬/ 香茅豬扒撈檬/ 生熟牛肉湯河：味道一般，over-priced 係事實，但求裹腹而已。紅酒燴羊膝配薯蓉：超美味的燴羊膝，那薯蓉調味幾掂。咖哩牛腩：味道甜甜的，跟「辣」沾不上任何關係，份量細小，牛脯味道一般，近一佰蚊，著實係貴。青咖哩鴨/ 黃咖哩雞：跟咖哩牛腩般，份量細小，到喉唔到肺！咖哩海鮮：海鮮
消費約每位$150 ~ $200，服務唔得，什麼都要等，侍應只是求其應你一句，沒有follow up，走去做其他野，又或者扮睇唔到客呼叫，掂行掂過。每次加單都等半個鐘以上至有得食（甜品除外，好快到！）所以落單最好一次過落晒（包括要杯水），因為加order 攪好耐。
食物味道整體都OK，環境漂亮，但服務就糟透。絕對係硬件掂，軟件糟！
試過「Tropical 芒果特飲」（$42）Happy Hour 有買一送一優惠。味道幾淡，正價一定唔會點。
烤鴨配米紙卷：係DIY ，自己包裹烤鴨肉和一些南洋蔬果，其中一款係紅蓮霧，幾特別。
青木瓜楊桃沙拉：好味，次次都會點。
香茅豬肉撈檬/ 香茅豬扒撈檬/ 生熟牛肉湯河：味道一般，over-priced 係事實，但求裹腹而已。
紅酒燴羊膝配薯蓉：超美味的燴羊膝，那薯蓉調味幾掂。
咖哩牛腩：味道甜甜的，跟「辣」沾不上任何關係，份量細小，牛脯味道一般，近一佰蚊，著實係貴。
青咖哩鴨/ 黃咖哩雞：跟咖哩牛腩般，份量細小，到喉唔到肺！
咖哩海鮮：海鮮款式比想像中多，感覺比咖哩牛腩抵些少！
所有咖哩類都附配食的法包就好脆，好好！
因為唔飽，通常會加個飯，「椰香飯」跟普通「白飯」沒兩樣，基本上不用加多五蚊點「椰香飯」！
甜品係必點，招牌貨係「香蕉布甸配蜜糖脆雪榚」和「紐結脆餅配紅莓雪葩」，食過就知道好！
講真果句，呢度環境係好，甜品唔差，但服務很爛！加上主食偏貴，份量偏少，唔係咁值得。所以下次來，可能只係食米紙卷、沙拉、甜品便算。
Post