大阪李朝園 (Closed)

見到朋友係到有得自製墨魚小丸子， 所以今晚我同Mr.K 就去左試下整韓式小丸子。入到去，已經見到張枱上面放左一些整呢個小丸子的鐵鍋工具， 點左菜之後，店員就拎左整小丸子要用的材料，如泡菜，蘿蔔粒，木魚絲，油及燒汁咁。店員都會教下你整，不過可能我地手慢同埋多人等位，玩左一陣就佢搶左支叉，幫我地埋尾。燒得金黃的小丸子，賣相令人食指大動，加上係自己整，真係咬開有血有汗有油煙味，加左泡菜同蘿蔔粒，口感更加豐富，仲有少少辛辣感 。加左木魚絲，賣相日式都差不多。唔知會光天白日搶叉，一早叫左幾樣野，炸雞紫菜包飯，蘿蔔好大舊又硬，都唔知點咬開佢，雞無咩調味，結果俾我揀晒所有蘿蔔出嚟。順利避開左最憎的紅蘿蔔了。黑椒牛肉石頭鍋飯個鍋太熱搞到啲飯燶左好多，有1/3係飯焦，牛肉用黑椒調味惹味，本來正好要嚟撈飯，但真係好燶下。都唔知點搞好。一心嚟破地獄，點知俾店員搶左個叉，可能佢見我個樣好輪盡，有可能會燒左佢間舖卦，真係鬧你又唔好意思，咁搞不如喺街買，而且食完好快就同你講有人等位，嗯！大家當快餐店好啦！唔想俾佢搶叉，坐近牆就最安全，哈哈哈！