舊時光石磨腸粉 (Closed)

一向都好鍾意食石磨腸粉，朋友介紹我試下呢間「舊時光石磨腸粉」，位於尖沙咀厚福街，主打即叫即整手工石磨腸粉。晚餐時間同朋友去買外賣，見到外賣電話響過不停，生意唔錯！招牌雞蛋肉碎腸加菜莆石磨腸粉皮薄餡多，好嫩滑，食落蛋香十足，肉碎醃得入味，配埋菜莆，增加口感，正。手切滑牛腸咬開牛肉份量十足，好足料，腸粉順滑彈牙充滿米香。麻辣雞絲撈石磨粉淡淡麻辣香氣好開胃，雞絲啖啖肉嫩滑唔嚡口，皺皮腸粉皮薄適中好煙韌。竹葉蟲草花蒸雞蟲草花脆嫩爽滑，雞肉又嫩又滑好鮮味。竹葉蓮藕蒸肉餅厚切肉餅好吸晴，肉汁鮮嫩富口感，食落鹹香爽脆。黃/黑豆漿甜度剛好，香濃又幼滑。