火山燒 (Closed)

成日經過都見到好多人排隊，今日有時間終於可以試吓。喺門口見到價錢都唔貴，唔怪得咁多人食。好，坐低睇吓有咩好食先。極黑安格斯肋腰背，叫咗200g，原來都好大件，夠晒我食。切開裏面係粉紅色嫩肉，我習慣成舊肉搬開，再慢慢逐片煎，咁就唔怕過熟。安格斯牛味重，肉質食落柔軟而且無筋。加$29，仲可以四選三。忌廉湯，夠濃稠。燒汁雞串，雞串有滿滿嘅肉汁，正！炭培烏龍茶玫瑰海鹽奶蓋，上面有乾玫瑰，奶蓋口感綿密，烏龍茶味香。