大和牛石燒專門店 (Closed)

半自助餐，包括有野菜沙律、日本珍珠飯、是日餐湯、醬汁均可無限任裝；野菜沙律嘅各款沙律菜都好新鮮，口感爽脆，配上胡麻沙拉醬、柚子汁食用，味道更清新；珍珠米飯口感軟熟；是日餐湯係日式雜菜餐湯，幾足料，有洋蔥、紅蘿蔔、西芹、菇菌；醬汁包括有原粒黑椒、粉紅玫瑰鹽、味噌汁、燒肉汁，和牛沾上醬汁後更帶咸鮮。日本A5和牛肉眼蓋，日本宮崎牛和牛係分開左2碟、與熱石另上嘅，避免和牛會石燒過熟；和牛肉眼蓋油脂、雪花紋路分布均勻，色澤紅潤，口感嫩滑、入口即化，牛味濃郁，油香味濃，肉汁豐富。澳洲M6和牛小排，上枱時可按個人需要將和牛小排切件石燒以食用；口感軟腍不韌、厚身，肉質鮮嫩多汁。