牛極 (好順利大廈) (Closed)

行過元朗呢間新開嘅牛極，俾佢$80一份牛扒餐吸引左入嚟。我自己就嗌咗呢個牛肩肉，80g對女仔來講都其實啱啱好，牛肩肉個口感會實淨啲，所以唔好煎太來，七成熟就已經啱啱好啦。佢一上嘅時候只係得1成熟，所以我都係切開一嚿嚿煎熟晒先至慢慢食，如果唔係又會老晒。另外我哋仲嗌咗個牛柳，牛柳個肉質比較腍啲，就算煎耐左都唔會好硬。不過佢個形狀就會特別啲，而且可能因為比較薄身，所以都好快熟。另外呢度係屬於半自助，白飯沙律同埋湯都係自助，食幾多攞幾多。佢今日個湯係味噌湯，落咗蘑菇，海帶同埋豆腐。如果沙律我都幾鍾意佢個柚子醋，感覺好清新開胃。除翻開每人都係$100，咁嘅價錢真係食到好飽。