牛極 (好順利大廈) (Closed)

牛肩胛，牛味尚可，牛質一定比西冷淋原味熱辣辣石板上枱，切果時肉汁會彈上嚟，有需要記得去拎條圍裙先食。枱上有粉紅岩鹽，即磨黑胡椒，BBQ粉調味，BBQ粉微微辣，幾惹味，值得一試。亂切牛幾得意，由於唔知咩畀部位，又切好晒，唔使切都食得，有舊食到牛味濃啲，有舊食到肉質淋啲，都幾有趣，唔鍾意切牛扒又想食牛就啱晒不過食完先記得影相最鍾意自助bar，有沙律，珍珠米，日式牛肉湯。對於唔好澱粉嘅我就食左2碗沙律菜。牛肉湯幾濃味，飲落其實係羅宋湯，但有牛肉碎。店員一入嚟就叫去自助機買飛，其實唔使啦，坐係枱度用手機點餐仲好，唔使排隊，又可以用電子支付，又可以慢慢揀食咩不過門長開，坐近門口有啲熱，下次要坐入啲先。