星期二晚同honey行旺角，食飯時間當然係搵野食啦，落雨濕濕，咪是但搵一間算吧喇，經過哩間舖頭，見有個侍應猛叫"好好食傢，入黎試下啦"，見台灣野都唔會差得去邊啦，咁我地咪入去試下囉，睇過餐牌後發覺價錢算好平，二人餐只不過係$68，二人餐可以選擇兩個小食、麵或飯一碗、兩杯飲品，飲品凍飲要加$2，台灣飲品就加$5，我地見咁抵咁試下個二人餐囉，兩個小食我地叫左"素雞"同"炸大腸"+魯肉飯，咁飲品我選擇左珍珠奶茶，而我honey就選擇左熱檸樂，食食下honey留意到張單寫上$68, $5+$5，咁$5就係我杯珍珠奶茶啦，咁另外果$5呢？熱檸樂明明係熱飲黎傢喎.....？明明話凍飲+$2，台灣飲品+$5傢？？？咁我地咪同番頭先果個侍應問過明白囉，佢竟然問我地"係傢，熱檸樂要+$5傢"，我同佢講頭先明明係你自己話凍飲+$2，台灣飲品+$5傢喎，熱飲咪唔駛+錢囉？佢諗左一陣之後仲離普到話唔係"罐"上所以要+$5，大家有冇試過飲熱檸樂係"罐"上傢呢？哈哈，簡直係離普......>.< 之後佢承認係佢既疏忽，佢承認即係係佢既錯啦？但佢依然係冇改番張單，只係"鬼食泥"咁講唔好意思，今時今日咁既服務態度咁得傢？
The above review is the personal opinion of a user which does not represent OpenRice's point of view.
Like
Spending Per Head
$35
