Omotesando Koffee (Closed)

今日經開灣仔，順便梗係要去下利東街，感受一下節日氣氛啦。嗰度嘅聖誕佈置已經做好7788 ,好多情侶都特登過嚟影相。而我就梗係要去本身係表參道好出名嘅咖啡店，飲番一杯靚咖啡先。叫咗一杯Hand drip coffee, 用咗來自Ethiopia嘅咖啡豆，佢嘅咖啡味係偏向果酸味重，如果唔鍾意酸酸地嘅咖啡嘅人，就唔係好啱你口味啦。之後仲叫咗一個日本好常見嘅小果子 — kashi。呢舊細細舊嘅果子真係巴之閉，買成＄18一粒，但我何嘗又唔係乖乖um荷包即刻買黎食呢？佢嘅外層有好濃嘅焦糖香味，硬硬地，入面就相對煙煙銀銀，有吉士嘅味道。呢粒野真係一食就上癮，用嚟送咖啡就啱啱好。