新記美食

Open Now

Now Closed

我仲記得當日幫襯係打風天，因為屋企冇特別準備啲「糧食」啦，所以一落左風球之後，我地都立即出街，諗住睇下有啲咩鋪頭有飯食。行經新記，有開門，本來都想入去食碗麵，不過男朋友話冇咩興趣，所以我只係喺門口位督左串魚蛋食。其實我都唔係第一次食呢度嘅魚蛋，貴少少，冇左記錯係十蚊五粒。之前都食過，覺得正正常常啦，唔係特別出色，不過辣醬幾過癮，鐘意食辣都應該會鐘意嘅。俾著平時我肯定食一串唔夠，不過唔知點解今日食佢地嘅魚蛋，入口有少少酸酸地，冇平時咁辣。魚蛋質地同平時一樣，都算幾彈牙，唔會太實，只係個醬汁唔知係咪有問題，我食左兩粒都冇食了。