Video
Read full review
2013-02-11
22 views
有幸得到餐廳嘅邀請，今晚可以同老友食家一齊去試食呢間特式餐廳，一邊睇車，一邊食意大利菜，真係幾得意。餐廳門口位於銅鑼灣禮頓中心地鋪，燈火通明，好容易就見到 Fiat 嘅招牌。呢度除咗係 Showroom，沿梯級而上就係餐廳。門口有大大隻熊公仔，扮賽車手，不過件賽車衫係北極熊，搶眼過隔離部白色車，嘻嘻。由於 Fiat 以紅白黑色為主，餐廳嘅裝飾亦貫徹其主題顏色，簡約又時尚。餐廳除了紅白黑嘅通花櫈外，更有一張以意大利國旗紅白綠顏色設計嘅車頭型卡座，非常搶眼。餐廳嗰層都放咗兩部車，大家都可以去試坐，因為其中一部 Abarth 695 Tributo Ferrari 連一杯咖啡，價值 $799,888！以全球最貴嘅咖啡為賣點，綽頭十足。餐廳設有開放式廚房，可以見到各樣嘅意式食材，例如風乾火腿，意粉，曲奇和茶包等等，更可以一睹大廚認真工作嘅情況。Fiat 係意大利汽車品牌，所以餐廳亦以意大利咖啡和食物為主打。而餐牌亦係十二月更新過，等客人可以試吓其他菜式，另外亦有每日嘅大廚推介，十分細心。餐廳職員為我們安排了今晚試食嘅菜式，有飲品，前菜，主菜同埋甜品，除咗簡介菜式之外，對我哋嘅提問都一一解答。熱
餐廳門口位於銅鑼灣禮頓中心地鋪，燈火通明，好容易就見到 Fiat 嘅招牌。
呢度除咗係 Showroom，沿梯級而上就係餐廳。門口有大大隻熊公仔，扮賽車手，不過件賽車衫係北極熊，搶眼過隔離部白色車，嘻嘻。
由於 Fiat 以紅白黑色為主，餐廳嘅裝飾亦貫徹其主題顏色，簡約又時尚。餐廳除了紅白黑嘅通花櫈外，更有一張以意大利國旗紅白綠顏色設計嘅車頭型卡座，非常搶眼。
餐廳嗰層都放咗兩部車，大家都可以去試坐，因為其中一部 Abarth 695 Tributo Ferrari 連一杯咖啡，價值 $799,888！以全球最貴嘅咖啡為賣點，綽頭十足。
餐廳設有開放式廚房，可以見到各樣嘅意式食材，例如風乾火腿，意粉，曲奇和茶包等等，更可以一睹大廚認真工作嘅情況。
Fiat 係意大利汽車品牌，所以餐廳亦以意大利咖啡和食物為主打。而餐牌亦係十二月更新過，等客人可以試吓其他菜式，另外亦有每日嘅大廚推介，十分細心。餐廳職員為我們安排了今晚試食嘅菜式，有飲品，前菜，主菜同埋甜品，除咗簡介菜式之外，對我哋嘅提問都一一解答。
熱朱古力，忌廉，杏仁 (Hot Chocolate, Hand Whipped Cream, Almond) $35
餐廳職員叫我們先點飲品，不飲咖啡嘅我，面對餐牌內嘅名牌咖啡亦無動於衷，哈哈，最後就揀 Winter Drinks 嘅熱朱古力。熱朱古力好香，朱古力味好濃，本身已經夠甜，不用加糖，熱飲就固然好飲，不過食到最尾，熱朱古力待涼了，變成凍飲都 OK 喎。
無花果拼乳清芝士伴白松露菌蜜糖 (Ricotta, Figs, White Truffle Honey and Olive Oil) $95無花果很新鮮，清甜多汁，白雪雪嘅 Ricotta Cheese，芝味不濃，食落有啲似炒蛋白，又白又滑，配上白松露菌蜜糖，香味四溢。而 Parma Ham 就好嫩好軟，味道不太濃，合我口味。三樣食材放在一起顏色柔和，感覺亦很清新健康。
火灸吞拿魚，椰菜花，杏仁，榛子油，檸檬 (Seared Tuna, Cauliflower, Almonds, Hazelnut Oil, Lemon Dressing) $110輕灸過嘅吞拿魚，魚肉呈粉紅色，肉質彈牙，魚味濃郁。伴料係軟硬度適中嘅椰菜花，香脆嘅杏仁，濕軟嘅麵包件，食落有不同質感。再配榛子油和檸檬調味，酸酸甜甜，係一個開胃嘅前菜。
藍青口，白酒，洋蔥，香草 (Blue Mussels, White Wine, Onion and Parsley) $125藍青口配上白酒，洋蔥和香草，簡單得來，令青口不失鮮味，青口肉很鮮嫩，不過沾了酒嘅青口，竟然食到辣味，於是食第二件時，先將青口在碟邊暫放 '倒出' 白酒，咁就可以食得好放心，好滋味，而伴碟嘅麵包就好有麥香味。
海鱸，意大利瓜，燈籠椒，黑醋 (Seabass, Zucchini, Capsicum, Balsamico) $145呢個係是日推介，海鱸大大件，肉厚，而且食落比較實，仲食到魚骨，唔可以大大啖食。幸好伴碟嘅意大利瓜同埋燈籠椒就好好食，意大利瓜肉柔軟，食落似茄子，而紅色和色嘅燈籠椒，煎得好香，好腍好甜，正呀！另外放係魚下面嘅小丸子，起初以為係薯仔粒，原來係意粉嘅一種，而且製造過程繁複，佢就係 'Pasta Di Semola Di Grano Duro，真係估唔到係 Pasta。
香桃，雲呢拿忌廉，杏仁杯 (Peaches, Galliano Syrup, Whipped Vanilla, Cream and Almomds) $60終於到咗甜品時間，愛莓嘅我原本想試情人節餐牌內嘅 'Rustic Rich Chocoalte Tart With Red Forest Berries'，不過原來係情心節餐嘅限定食品，我無緣一試。餐廳職員準備咗一個甜品係我哋，二人分 '羹'同味。雲呢拿忌廉上有粒粒杏仁點綴，忌廉香滑，食落好似雪糕，配上茴香酒，更能帶出香桃嘅味道。臨走時先有時間周圍影相，見到雪糕櫃入面嘅雪糕都好想試吓呀！
意大利曲奇 (Selection of Italian Biscotti) $ 35餐廳特意送上各款意式曲奇，曲奇外表有 Raw 嘅感覺，有沾上朱古力的，有果仁的，有糖霜的，而且每一款杏仁味都好香濃，唔係好啱怕食杏仁味嘅我。
總括而言，係一間有特色嘅餐廳，食物和服務水準不錯，而且當晚亦人流不絕，相信有一定嘅吸引力。Post
