禮記 (Closed)

THE MONTEREY PLACE除左DONKI外都係一個食飯既好地方, 今晚去左禮記食中菜, 門面簡潔亮麗, 座位闊落, 整體感覺舒適。坐低後店員第一時間問飲咩茶, 我地揀左出面較少有既荔枝茶, 清香又解渴。千島黑豚肉排粒  $128沙拉骨就食得多, 千島醬黑豚肉就第一次食, 又幾好食, 千島醬既酸酸甜甜令豚肉排既油膩感消失, 入口有肉香, 又開胃!銀芽肉絲脆麵  $198依個一定要相機食先啦, 賣相擺盤咁有心思! 脆麵凌空掛起, 有趣又吸引。打完卡店員會倒入醬汁同埋剪開脆麵, 唔洗自己郁手。銀芽同肉絲已經炒得好入味, 脆麵入口脆卜卜好香口, 食完脆既部分又可以食下比醬汁整淋左既部分, 一麵兩食。 銀杏鮮腐竹扒時蔬 $118同上鮮腐竹同埋銀杏湯頭, 配上清甜既娃娃菜,  正好解去脆麵既油膩感。