LA FAMILLE

Open Now

Now Closed

為慶祝朋友生日，今次去左K11既La Famille揀左幾個蛋糕一齊share食。店鋪蛋糕款式選擇好多，亦都有唔同價錢既range，可謂豐儉由人～我地揀既係戚風蛋糕，蛋糕做得香軟，有彈性，唔油膩。但極度建議要盡快食用，因為我地食唔哂放係雪櫃之後，就變得比較乾。日本柚子蛋糕帶有淡淡既柚子香味，好清新。頂層同蛋糕中心都有cream，質地滑，唔油膩。整體黎講，蛋糕同cream既比例配合得幾好。食到最尾，仲會有一陣柚子獨特既香味，帶少少澀味留係口中，幾特別。焦糖完熟香蕉蛋糕帶有幾香既香蕉味，係我私心最鐘意個款。雖然佢話有焦糖，但完全唔會過甜。無論蛋糕質感，定係口味，都十分岩我～青森蘋果吉士紅茶呢款係朋友最愛，上層有糖漬蘋果，甜度適中，微微帶酸，感覺清新～最重要係蛋糕既伯爵茶香味深得我朋友既心🤣香印提子巴伐利亞呢個係我地見到造型超靚，特登買埋既生日個位朋友既～上面係啫哩，下層係類似慕思既質地。啫哩入面有食用花，有果肉，個樣好睇之餘，味道都好清新，香印提子既香味好突出。慕思就帶少少奶香味，同上層既啫哩無論係口感定味道上都好夾。