Mee...lemongrass (Closed)

青衣城新開咗二期，仲新開咗間UA，今日同老婆就去睇咗場早場，完場後就去食晏喇。二期依到都有好幾間食肆，行咗個圈之後，就發覺最多人等既係依間mee。咁就決定食依間啦，其實大家都係等佢11點開門，我地揀咗A餐L1同L2，想試下佢既喇沙係點。先講佢個無骨海南雞，食落其實認真麻麻，無咩雞味同質地偏鞋。喇沙個湯都ok，有少少偏甜同得少少辣，我諗係想啱返香港人口味，麵係米粉同油油麵兩溝，一半一半比例，口感唔錯，佢個餐係包前菜同甜品，不過依兩樣野有等於無，因為個質素係你唔會想食既。最後仲有杯凍咖啡，依個反而唔錯，雖然係東南亞口味偏甜，但佢香濃得黎仲大杯到我飲唔哂。