和牛燒肉一郎 (寶漢大廈) (Closed)

我之前食過係覺得唔錯，今晚訂咗枱同朋友再去試，食左個C餐有黑毛‘和牛’。開頭果set野（寶盒&拼盤）係好食既，但係之後食既和牛竟然係咁既質素，我試過3成熟咬唔爛，5成熟已經係柴皮咁硬冇油脂真係好難擺到入口。同埋唔知一份既定義係可能得4塊又有可能會突然間變到咁大碟？（我2個人食only同埋落單每次上限5所以我落單係全部落1試多啲款式)雖然我以為佢清貨一碟都算啦，隔咗半個鐘再試下落1份，嬲到即刻問服務員點解‘和牛’係咁既樣，完全冇見到白色既位（果份牛仲差過附圖因為已經嬲到即刻投訴冇再影相）。咁佢又講得幾啱：c餐係得里脊肉係少脂肪想食西冷肉眼位要叫9百幾果set。但認真我食返1百2百果啲set唔好？要比成7舊水所謂和牛？咁唯有認命自己窮，亦唔想用成千蚊再去試佢質素，但我敢肯定呢個價錢係出面其他食燒肉嘅唔會係呢啲質素囉。各位兄弟姊妹睇路啦自己。