泓居酒屋 (Closed)

呢間日式居酒屋就喺海港城對面，上到嚟剛好坐窗邊位，有種居高臨下的感覺，望正九龍公園，景觀好開陽好舒服。餐廳有午市套餐，套餐附前菜、沙律、麵豉湯、白飯。揀咗個雞肉串燒定食，串燒有雞肉串、雞心、雞皮、明太子雞翼、冬菇。第一次食雞心，都唔算好大浸內臟味。雞皮燒都幾脆！都幾多款，用嚟送飯都夠食。另外個吉列豬扒，一上枱出晒煙，層吉列好脆口，面頭有啲黑松露，食落都幾香。豬扒都算厚身，唔會好乾柴。🔸雞肉串燒定食$108🔸黑松露蔥油吉列黑豚豬扒$138📍#泓居酒屋 (#尖沙咀美食)尖沙咀廣東道122-126號中港中心17樓