Saravanaa Bhavan (Moved)

原本想食係同一座樓嘅中菜，但誤打誤撞跟人出錯lift 見到呢間印度菜就入去試下，原本都無為以無肉食嘅，坐低望咗一陣先知原來係食素食嘅，唔緊要照叫，叫咗個飯餐叫Saravanaa Special Meals，初初仲以為會唔夠食，黎到後原來好豐富，唔只材料豐富，色澤都好豐富，menu 寫嘅野有酸辣湯，辣豆，配菜，印度香料，雜菜扁豆醬，特色印度酸咖哩，乳酪，牛油奶，特製鷹咀豆酸奶，印度薄煎餅，酸瓜，甜品，米飯，印度炸餅或印度麥餅，打都打咁長，佢上菜嘅時間都好開心，一個盤上面有齊咁多野，另外仲有盤炸餅加薄餅，一個人食都可以食到唔同種類嘅味道同口感，原本唔知邊樣打邊樣，但一個人嘅好處就係可以慢慢試，呢幾個就比較有印象同突出: 

Saravanaa Special Meals

$90

酸辣湯 – 顏色似羅宋湯，呢個同平時飲嘅上海酸辣湯好唔同，係真係有酸味同有辣椒味，好飲 

雜菜扁豆醬 同 辣豆 – 其實我分唔到邊個係邊個，但呢有雜菜嘅豆醬係辣嘅，但有切粒豆嘅係唔辣嘅，呢兩個都好香豆嘅味道，食得出食材味 

印度咖哩 – 呢個應該無搞錯掛，好香咖哩味，而且辣味係有啲深度嘅，唔似四川辣椒油嘅面層嘅辣，用黎配飯同配薄餅食都一流，呢兜我係成兜清晒嘅 

有三兜白色嘅野，一兜結身啲嘅係乳酪，一兜係稀嘅似係鷹咀豆酸奶，另一兜有紫洋蔥嘅估計係牛油奶，都係酸嘅，但食起上黎好消滯消油膩，食完成個餐之後食就岩岩好。 

仲有其他配菜都各有特色同味道

唔能夠唔提嘅係薄餅同炸餅，一個餐可以有三個主糧，滿足晒一丁友又想試多啲野嘅食法，同埋我留意到印度人係會直接用手攞起啲飯沾汁食，所以我都入鄉隨俗咁用右手攞飯食，又幾得意

印度薄煎餅及印度炸餅

尋走收銀佢地都有好多印度餐廳有嘅茴香薄荷同糖俾你辟食完濃烈嘅味道。 

呢間印度素菜完全唔似平時食中式素食咁，似返平時食印度菜嘅感覺，而且好多印度人同外國人黎食，似乎除咗openrice 之外係其他渠道都頗有名氣，可以再來翻桌。