Lockeroom Dining (朗晴坊) (Closed)

之前睇到報章雜誌訪問，見到有間餐廳以球迷為主題，老闆仲著埋波衫咁上鏡，作為一個熱愛足球的我，無理由唔去捧下場架。因此，放工就即刻上左去朗晴坊支持一下。入到去，裝飾見到都係有好多簽名波衫，仲有埋球員閃卡，感覺好親切。不過，裝潢有特色，但野食都有水準。我地叫左個龍蝦配牛扒、汁燒牛肋骨，兩個甜品：甜鬆餅、橘子芝士蛋糕。主菜來之前，有蒜蓉包、沙律。蒜蓉包叮到岩岩好，沙律好有心咁獨立冷藏，食落口好爽口。餐湯內的磨菇粒好有口感，以杯裝形式上幾新穎。先講龍蝦，佢用加左沙律同蝦籽，十分惹味。牛扒呢，七成熟，燒到岩岩好，十分多汁。汁燒牛肋骨，每條都易切易入口，多汁之餘，食埋佢個紫薯，仲好甜tim。甜品高質，無得頂。最後仲配埋兩杯熱飲，我地叫左熱檸茶同熱奶茶，店主好貼心，將溫度沖到無咁熱，能夠可以即刻入口。