The Coffee Academics (市場街) (Closed)

響西貢要搵1間咖啡店飲咖啡，係絕對有「梗有一間響左近」既感覺! 今日小編就去到另1間高質由市區殺入西貢開分店既Coffee Academics。對小編黎講Academics最吸引唔係佢地既食物，而係佢地既Signature Lattes。 雖然每杯咖啡既價錢絕對比其他一般沖製咖啡﹑甚至部分咖啡店既Affogato為貴，不過大家可以見到佢每款都有獨特既調製漿料，而相信響其他地方唔會見到 (黑糖例外)。由於趕時間關係，今次小編就試試外賣自取Jawa (爪哇椰糖斑蘭鮮奶咖啡 $58)，因為都想睇下椰糖同咖啡又會點配合到。大約5分鐘左右，咖啡師就響小編面前沖好了! 雖然拉花情況上可能因為太忙而做得唔好，但Jawa既味道好特別 - 椰香味幾重而幾乎將原本咖啡既味道都覆蓋左；小編就覺得斑蘭味唔算強，最起碼都好似唔太聞到斑蘭既獨特香味吧! 如果鍾意特色調製，而唔追求咖啡原裝既可可及烘焙味既話，呢間既特色咖啡配搭上都唔錯，有機會經過可以再試下其他味道吧。