都係一層一層, 每次食完都要重新再蒸再等,
今次終於都試到一次過蒸既九層蒸鍋LA..
今日四丁友仔, 叫左個首爾塔 $398/位,
有幾款塔選擇，以每位計算,
建議四人或以上一齊黎
因為如兩個人來，九層塔會變為五層塔
最底層係粥底，有四款選擇
A素菜鮮魚湯 B韓式豬手湯
C韓式泡菜湯 D人參雞湯半隻加$50/一隻加$100
叫好塔選好粥底
待應就開始為我地預備LA
粥底-素菜鮮魚湯
內有米，菜、木耳、蜆及鮮魚湯
開爐後
就有人攞出九層高既海鮮塔出黎
海鮮塔在廚房已放好, 較率好快
九層塔內既海鮮都係生，
要等20-30分鐘時間
等到最頂既温度計升到95C才開蓋
等待既時間
待應就放上小菜比我地過下口痕
仲放埋三款醬料比我地稍後點海鮮食
自家調配，味道較淡，唔會阻礙海鮮既鮮味
(因海鮮是新鮮，我個人沒有點醬料，都非常正)
時間轉眼間就過去
開蓋LA...
首先第一層象拔蚌、紅槽蘇格蘭蟶子
食象拔蚌先，開心到傻左，堅鮮甜個汁堅好味，好正呀...
再食紅槽蘇格蘭蟶子
紅槽醬係店舖自家調制的
蟶子一D都唔甄
第二層-日本元貝
日本元貝上亦載有鮮甜湯汁
第三層-大海蝦 兩件
雖然在第三層
但大海蝦都冇因為蒸太耐而變老
都咁彈牙，佢既擺法仲係心心形狀添
待應話, 首兩三層可以開完即食
但再下層，建議每隔五分鐘先打開
而在旁邊，亦都有個五分鐘漏斗
**最後發現，雖然話要等五分鐘
但我地每層都食超過五分鐘
所以可以食完一層就開一層
1
第四層-廣島蠔
經理話今日貴妃蚌唔太靚
所以轉左廣島蠔
仲有D 黑木耳在隔離陪襯
第五層新鮮花尾龍躉
痴左線...好肥美呀
咬落啖啖魚油
中間仲有八爪魚仔、黑木耳
第六層-花蛤、木瓜、爆醬芝心丸
好欣賞佢每層都有蔬菜作陪襯
平衡健康
第七層-沙巴肉蟹
真係啖啖肉嫁..
第七層咋, 但我地已經好飽LA
第八層-鮑魚呀
第九層-粟米、日本南瓜、日本蕃薯、黑汁豚肉丸
D蔬菜好甜呀，豚肉丸都好JUICE AR..
打大佬LA
去到粥底 原來去到尾
個粥會變得咁大鍋
我們每人飲了一細碗後,,,,
決定打包..真係好飽嫁..
$398/位 真心講
價錢係抵,
之前去街市，買兩隻蟹都要過百，
E度比幾百蚊就可以食到咁多海鮮
仲要有人招呼
值得一讚每個待應都好好.
有笑容及唔嫌我朋友煩...感謝
