新嚐泰泰國餐廳

Open Now

Now Closed

去灣仔利東街睇完燈飾，見行到攰攰地就想食啲惹味菜醒一醒胃。咁啱嚟到呢間新開泰國菜餐廳，店內裝潢好有風格，旁邊卡位開埋窗真係有啲似去咗曼谷～炸蝦餅香炸蝦餅口感好酥脆，蝦肉內餡好彈牙，仲食到粒粒鮮蝦肉，加埋甜酸汁瞬間開胃！泰式燒雞入口皮脆肉嫩，啖啖雞肉醃得好入味，咬一啖仲有雞汁流出，幾高質！軟殼蟹配馳名炒黃咖喱跟薄餅最怕軟殼蟹炸都有浸油抑味，呢道菜就絕對無呢個問題，加埋黃咖喱後軟殼蟹亦冇變淋，仲保持到香脆口感，黃咖喱送薄餅好惹味，送飯都一流！