Video
Read full review
2017-09-13
839 views
今日又去見工，仲要做埋presentation，當然係成pat 屎咁，大佬真係未試過見工present，唉當開下眼界。見工越失敗得多，個人越down，感覺今次都係失敗收場。所以見完工之後，決定要令自重新站起來。search 到附近有間cafe ，食個下午茶，再send cv。入面幾靚，有個陳年香港feel既area ，有晒d圓枱，舊櫈，懷舊味濃。我最鍾意係盞琉璃燈，好match 成個area。不過我坐另邊，因為我鍾意光猛d，同埋可以望下d職員點整野食。叫左個tea set,朱古力Donut配雪糕、桂花雪梨茶，之後再叫多個手沖咖啡。朱古力donut 配玄米雪糕— 賣相唔錯，唔係就咁擺起隻碟度。donut 係朱古力軟心，熱熱地，幾鬆軟，朱古力味唔係死甜。反而最驚喜係玄米雪糕，唔知我係咪食得少，個玄米雪糕好得，質感係順滑又帶玄米香。其實而家市面上好似冇咩地方賣donut，好耐之前有間賣donut 專門店喺香港開過，不過執左，d人話太甜，不過我ok呀。所以有得食donut 我都會試，整體4分，玄米雪糕值5分。桂花雪梨茶-兩個字-堅料，入面有桂花，雪梨乾，陳皮，仲有d我唔識。入口清甜滋潤，同埋佢
入面幾靚，有個陳年香港feel既area ，有晒d圓枱，舊櫈，懷舊味濃。我最鍾意係盞琉璃燈，好match 成個area。
不過我坐另邊，因為我鍾意光猛d，同埋可以望下d職員點整野食。
叫左個tea set,朱古力Donut配雪糕、桂花雪梨茶，之後再叫多個手沖咖啡。
朱古力donut 配玄米雪糕— 賣相唔錯，唔係就咁擺起隻碟度。donut 係朱古力軟心，熱熱地，幾鬆軟，朱古力味唔係死甜。反而最驚喜係玄米雪糕，唔知我係咪食得少，個玄米雪糕好得，質感係順滑又帶玄米香。
其實而家市面上好似冇咩地方賣donut，好耐之前有間賣donut 專門店喺香港開過，不過執左，d人話太甜，不過我ok呀。所以有得食donut 我都會試，整體4分，玄米雪糕值5分。
桂花雪梨茶-兩個字-堅料，入面有桂花，雪梨乾，陳皮，仲有d我唔識。入口清甜滋潤，同埋佢冇額外加糖都有甜味，最緊要浸耐少少飲，個雪梨味仲明顯。
手沖咖啡-黎cafe 點可以唔飲咖啡，所以叫個手沖黎飲，自己唔算識飲，不過唔試多d又點識飲。以我所知，通常手沖都係用單一產地咖啡豆，去飲返當地既風味，有d可能nutty d,有d會果酸味突出d。今次我就試Ethiopia, 一個咖啡豆出口量全世界數一數二既國家，d咖啡應該有返咁上下。
呢度好好會俾d咖啡粉你聞，除左味覺，亦會考慮到嗅覺，所以我都幾鍾意個presentation。入口有果味，body 比較薄身，質感順滑，after taste 我好鍾意，都係有果味。
我喺度由4點都hea 到7點，環境幾舒服日，最鍾意佢靜靜地，同埋感覺唔會好急速。好驚d人流走黎走去，最重要係cafe 就係一個俾人hea 既地方。
總括黎講，呢度好ok，飲品食品唔會太花巧，同時出面又好少見，我感受到呢度都好用心經營，出品同presentation 真係諗過度過，唔係是旦。雖然都仲要搵工，但起碼呢度幫到我叉電，所以我會有下次。
Post
