甜姨姨私房甜品 (Tsing Fung Street)

Open Now

Now Closed

昨晚係天后食晚，行過清風街，見人頭湧湧，梗係唔執輸埋去八下，我呢個電視精一睇門口張枱就認得某電視劇裡面出現過，禁就等位啦，其間見D員工都快手快腳，應該唔洗等好耐，二十分鐘過去，終於到我，一坐低，有個紅色短頭髮姐姐埋黎問我地要D乜，我梗係要整個即撞木桶豆腐花先啦，再黎多個逢星期四，五先有既亞旺凍湯丸，熱就試得多，未試過凍。個亞旺凍湯丸，芒果底好味，加埋D椰果仲有西柚肉，最正D湯丸夠煙印唔會咬唔開，有D奶皇係裡面，限量出品果然唔同。另外個木桶豆腐花，木桶上，外型已經攞唒分，仲好細心跟埋個計時器，姐姐話個鐘响先開蓋，我梗係照足指示做啦，果然又香又滑，真係好正。總括來講，樣樣都有誠意既，係D位有D迫，不過人多無計啦，會再去。