Video
Read full review
2023-11-25
18 views
觀塘新開，主打日式咖喱湯飯同特色湯烏冬，配料選擇甚多😙可以+$10 配前菜同凍綠茶／可樂前菜係炸魷魚乾，醬油酸甜，咬落脆口，幾特別同惹味▶️ 香煎帶子蕃茄湯烏龍麵 ($118)設有三款湯底選擇：蕃茄湯、咖喱湯、沙茶湯，全部自家煲製非調味包蕃茄湯底好濃稠杰身🍅入面全部蕃茄蓉，真材實料，鹹中帶天然蕃茄酸甜味三粒帶子好巨型，熟度適中，質感唔會太硬，冇雪藏味粟米粒好鮮甜🌽兩片紫菜索晒汁配有半隻半熟糖心蛋，糖心蛋入味，只係蛋黃熟咗少少🤏🏻明門卷正正常常🍥烏冬有啲酸味🫢應該係平價烏冬非讚岐或稻庭烏冬不過麵質ok嘅，都有少少嚼口又唔會太易斷，同埋好掛湯，所以整體唔錯▶️ 飛禪和牛漢堡扒湯咖喱 配 日產珍珠米 ($138)咖喱湯自家熬製，同一般濃稠嘅咖喱唔同，水比例較多🍛可以自選辣度，揀咗小辣入口先有咖喱味，尾端先有辛辣風味，朋友話比較似港式咖喱而非日式咖喱😛可能因為冇咁甜然而入面加入大量時令蔬菜熬製，有南瓜、茄子、紅椒、西蘭花、BB粟米、車厘茄、薯仔、秋葵🌈感覺健康除咗南瓜燒焦咗半條之外，其他都ok米飯用上日產珍珠米🍚軟硬適中店舖推介三種食法：1. 先品嚐一口咖喱湯2. 將一啖飯浸落咖喱湯度食3. 飯同
可以+$10 配前菜同凍綠茶／可樂
前菜係炸魷魚乾，醬油酸甜，咬落脆口，幾特別同惹味
▶️ 香煎帶子蕃茄湯烏龍麵 ($118)
設有三款湯底選擇：蕃茄湯、咖喱湯、沙茶湯，全部自家煲製非調味包
蕃茄湯底好濃稠杰身🍅入面全部蕃茄蓉，真材實料，鹹中帶天然蕃茄酸甜味
香煎帶子蕃茄湯烏龍麵
$118
9 views
0 likes
0 comments
三粒帶子好巨型，熟度適中，質感唔會太硬，冇雪藏味
粟米粒好鮮甜🌽兩片紫菜索晒汁
配有半隻半熟糖心蛋，糖心蛋入味，只係蛋黃熟咗少少🤏🏻
明門卷正正常常🍥
烏冬有啲酸味🫢應該係平價烏冬非讚岐或稻庭烏冬
不過麵質ok嘅，都有少少嚼口又唔會太易斷，同埋好掛湯，所以整體唔錯
▶️ 飛禪和牛漢堡扒湯咖喱 配 日產珍珠米 ($138)
咖喱湯自家熬製，同一般濃稠嘅咖喱唔同，水比例較多🍛
可以自選辣度，揀咗小辣
入口先有咖喱味，尾端先有辛辣風味，朋友話比較似港式咖喱而非日式咖喱😛可能因為冇咁甜
飛禪和牛漢堡扒湯咖喱 配 日產珍珠米
$138
1 views
0 likes
0 comments
然而入面加入大量時令蔬菜熬製，有南瓜、茄子、紅椒、西蘭花、BB粟米、車厘茄、薯仔、秋葵🌈感覺健康
除咗南瓜燒焦咗半條之外，其他都ok
米飯用上日產珍珠米🍚軟硬適中
店舖推介三種食法：
1. 先品嚐一口咖喱湯
2. 將一啖飯浸落咖喱湯度食
3. 飯同咖喱分開食
個人覺得第二種食法最好
飛禪和牛漢堡扒應該係超市雪藏嘅🐂質感尚算鬆軟，肥瘦均勻，附肉汁同有牛味
▶️ 野菜魚餅 (+$18)
一客兩大塊，咬落入面好軟糯
略嫌偏油膩同埋冇乜野菜，不過作小食都唔錯嘅
▶️ 脆皮燒魚卷 (+$15)
一條炸獅子狗卷
樣子唔太討好，但味道OK
外皮微微脆口，獅子狗卷爽彈
建議上枱即食
小食
2 views
0 likes
0 comments
-
食物簡單，多為雪藏材料，不過組裝出嚟變成一頓午餐，味道唔錯嘅
比較欣賞係佢個蕃茄湯底👍🏻出面比較少食到咁重蕃茄味，如果配靚少少嘅烏冬一定好好食
本身興致勃勃諗住食刨冰，點知原來只係晚市先供應🥹大家唔好「摸門釘」呀
覺得呢間同之前喺旺角食過嗰間「楓」格局菜單好似🙈係咪有關係嘅呢？
服務唔錯嘅，雖然門面只有一位男侍應，但佢幾有禮貌同埋勤力
成間舖頭好多座位，牆上油上古靈精怪嘅油畫🖼️一邊播住激昂嘅日文歌，難怪吸引咁多後生仔女前嚟用餐
不過衛生有待改善，啲水有少少污糟😅好彩叫咗綠茶
經OpenRice訂位，有八折優惠，折咗~$130/人，以呢個份量係夠飽嘅
鍾意食咖喱人士可以試試，測試一下呢個係咪你心目中嘅咖喱湯～
Post
