千海水產海鮮火鍋放題

Open Now

Now Closed

千海水產已經bookmark左好耐，今次終於抽到時間同朋友去食。午市3小時任食，時間充裕。店內有養殖池，環境光猛衛生，全部可以任選任撈，職員即場幫你洗乾淨後，就可以烹煮。活海鮮款式超多，全部都非常生猛。藍蟹，三點蟹都夠大隻，食落的肉都好紮實，超鮮美。鮑魚半隻手掌咁大，厚肉彈牙，好鮮甜。花螺亦都好出色，另外仲有大頭蝦、九節蝦，新鮮蠔及多款的蜆，花多眼亂，基本上好易回本。店內亦有澳洲M5和牛， 象拔蚌，花膠等多款火鍋配料，而飲品和甜品都有Häagen- Dazs雪糕、生啤等。今日真係好滿足，海鮮控一定要黎試下。