殿·大喜屋

Open Now

Now Closed

殿·大喜屋旺角太子道西193號帝京酒店2樓知道旺角帝京酒店開咗間新放題分店，收工同朋友嚟試吓，雖然好多人等，但係book咗枱都好快入得。最令我驚喜嘅係有任食拖羅，好香魚嘅油脂，冇咩跟，質素都唔錯，食完一盤有一盤，其他刺身選擇仲有三文魚、希靈魚、甜蝦、赤貝等等。另一個驚喜係可以有任食鵝肝多士，每件鵝肝都超大嚿，煎得好香，配搭埋牛油多士，爽脆得來同鵝肝好夾。出邊自助Bar嘅選擇比其他分店多，最特別嘅係有榴槤蓉，連核都無，一個唔小心就會食得超多，仲有點心一龍龍可以拎，熟食選擇都唔少，飲品有唔同嘅酒類可以選擇，甜品雪糕好多款。用QR code落單超方便，上菜速度都幾快，下次一定會同朋友再嚟食。