SAMJIN AMOOK Express (Closed)

每一次去韓國，每一日都要去街邊食返串魚糕先開心，冇食過魚糕，就等於冇去過韓國咁。好早之前已經聽講過，尖沙咀新嘅K11開咗來自韓國嘅魚糕店，可能太過受歡迎，之前收工去過一兩次都已經賣晒，今日特別提早收工去試試。佢哋嘅魚糕款式多到數唔晒，除咗招牌嘅熱湯魚糕串，仲有好多炸嘅魚糕，好彩店員好細心咁同我哋介紹，佢哋嘅原材料都係來自韓國，我最鍾意嘅係魚糕吐司，係魚糕夾住火腿同芝士，好有創意，而招牌魚糕湯都好好味，魚糕夠晒鮮味彈牙，仲可以飲到暖笠笠嘅魚糕湯。如果大家真係心大心細，唔知食邊一款好，仲可以叫佢哋嘅套餐，樣樣都可以試吓。